昨日，亞洲電視與新加坡新傳媒集團組成合資公司，一齊拍劇，頭炮係由袁詠儀、恬妞主演嘅《法內情2002》。八方都有去兩公司的簽約儀式，重見到久違了的《獅子山下》老臣子黃華麒（Franklin），原來佢𠵱家已經貴為新傳媒旗下新傳媒製作嘅總裁。
剛過去嘅星期一，八方都有睇亞視重播《獅子山下》，感慨良多，而Franklin可以講係《獅子山下》的開荒牛，是第一批拍攝該劇的人。佢同八方講，《獅子山下》係講政府的政策、設施對一般市民的影響，講嘅係政府與市民兩方面的立場。
自拍攝《獅子山下》後，Franklin過檔廉政公署的宣傳部，九四年時離開香港去咗澳洲生活，九七年前又到馬來西亞，加入當地最大收費電視Astro，直至金融風暴後返回澳洲，前年一月正式加入新傳媒。
E-mail：