對一個職業足球員而言，波鞋就是他們的「搵食工具」。正所謂「工欲善其事、必先利其器」，效力南華的鄭兆聰和晨曦的姚學文，穿上全球最輕（不足二百克）的新波鞋，認為舒適度媲美跑鞋，而超輕特點更有助在綠茵場上奔馳。
司職左中場的鄭兆聰，對新波鞋有以下評價：「睇上眼最初會好難接受，着上腳先知道舒服，對鞋實在太貼腳形，喺草地跑步好似冇着鞋咁。至於踢波嘅性能，由於對鞋輕咗，射波會更勁。不過，由於鞋面質地唔同以前，控球方面就需要時間去適應。」
左右腳純熟的姚學文認為：「新鞋對踢波有冇幫助暫時未清楚，因為都未試過正式落場比賽，但喺平時操練，就覺得對鞋好舒適，同平時着有Air嘅跑鞋差不多。」