電視電影《血殺》昨日在無綫電視城開鏡拜神，演員王傑、向海嵐和陳文媛（BoBo）等均有出席。王傑被問及謝霆鋒近日的是非，他說：「唔知，佢喊可能係壓力，我做得好辛苦都會唔開心，更何況係感情，牛同大笨象都會喊啦！」
問王傑覺得霆鋒處理手法如何？他說：「唔知，每個人處理方法都唔同，我都唔係好人好多，我都離婚啦！我覺得都係暗戀人好啲。」王傑笑得甜絲絲，問他最近是否有暗戀對象，他說：「冇啊！有我實拖畀大家睇。」問王傑的暗戀對象是不是BoBo，他說：「梗係唔係，黐線咩！大吉利是。」
陳文媛對於王傑極力否認暗戀自己表示極之贊同，她說：「梗係大吉利是，佢做到我阿叔，我自己唔會鍾意太大年紀，會似阿爸，又有gap（隔膜），唔啱傾。」問BoBo陳冠希是不是理想對象，她說：「唔答。」
採訪、攝影：楊潔雯