曾與周星馳拍生力啤廣告的「啤妹」蔣怡，工作接踵而來。早前她接拍了內地的礦泉水廣告，一向怕飲水的她，拍攝時更不慎連鼻哥都飲水。
身高六呎的蔣怡（Coco）因夥拍周星馳啤酒廣告，扮演「如夢」一角令她人氣急升。
昨日Coco往中環出席美國護膚品牌sjal宣傳活動時，透露早前於內地拍攝「天與地」礦泉水電視廣告，工作人員均稱呼她為「如夢」，她說：「拍完啤酒廣告後，多咗好多人識我，出街都有人叫我『如夢』，多咗好多機會，尤其內地廣告，好似最近又拍咗個上海汽車廣告。」
早前Coco在內地拍攝礦泉水電視廣告，拍足十二小時，酬勞達五位數字。一向怕飲水的Coco說：「我個胃唔好，唔可以飲好多水，拍嗰時都係每次飲少少，最後一個鏡頭要我扮好口渴，我飲到連鼻都入埋水，好好笑！」
Coco又慶幸自己樣子常變，可予人新鮮感，她說：「其實我出道兩年來拍咗幾十個廣告，養命酒、周大福首飾，不過次次拍完都唔似自己個樣，經理人話好有新鮮感喎！」
此外，Coco表示閒時愛在家煮飯仔、看書，她說：「我護膚心得就係多食生果，因為維他命C對皮膚好好，我可以一日食一個西瓜㖭！」
採訪：DebbieLum、MaggieLeung、JessicaNgan
攝影：ChanChiLam、KennyMa