立法會議員除咗黃宏發外，重有邊個會喺中大政政系講課？街工嘅梁耀忠今日就會在教室中大顯身手，原來阿忠應邀客串主講兩小時嘅課堂，大講「香港社會運動與九七前後的立法機關」。
但阿忠慨歎未有心理準備，因為佢起初以為只係講十幾分鐘，阿忠今次真係大件事，搞到噚日重要度稿。佢話，其實過去都有出席一啲大學演講，但都係通識課或者分享個人經驗，今次要講學術，都唔知點樣講起。
社會運動方面，阿忠打算有彈有讚，又會講吓基本法起草、六四事件、議會建制對社會運動重要性等等。八方覺得，阿忠向來打實戰，講多啲呢樣嘢亦無妨，都唔使咁頭痛吖。
E-mail：