陳司翰（Victor）昨日到新城接受《家天下》訪問，Victor對於有報道指他與助手去卡拉OK碰到歌迷，竟然趕歌迷離開，更被指有少爺脾氣，Victor無奈說：「我覺得好意外，第一我唔會同助手去卡拉OK，第二我已經好耐冇唱卡拉OK，第三我最近去卡拉OK都係做新碟發布會，我點會唔理歌迷，佢哋係我米飯班主。可能我生得官仔骨骨，所以俾人覺得少爺脾氣，我唔介意俾人講，做番自己好過俾人話假。」
此外，Victor將會成為新城《聯Fan所》四月頭號人物，他會每星期親自撰寫一個廣播劇故事，共寫四個，Victor說：「星期三要交第一個，我唔會寫啲真實經驗，但想將劇本搞笑化。」
採訪、攝影：駱華齡