喺今屆美國紐約車展上，除有多款新車於場內展出，惹來不少車迷注目外，就連越野路華亦唔例外，於會場內展出咗屬小改嘅新版Discovery，並快者可望於今年年中喺英國市場推出。
從相片中可以睇到，新版Discovery嘅賣相與現有型號相近；但當你細心留意下，就會發現新車嘅頭燈、泵把以及鬼面罩配搭等等，都與新版RangeRover相似，從而予人有一分FamilyLook之感。至於車廂布局方面，新車亦與現有型號相近，但就加入有多款新顏色配搭，務求予人有一分新鮮感。另外，廠方又為新車加入一台4.6公升V8偈，馬力輸出達217匹，並強化新車其他配備，以增強車子嘅吸引性；未知香港嘅越野路華代理，有無興趣將之引入呢？