吳大維日前曾親證當年謝霆鋒在北京開出百萬美金作注碼，打賭追求王菲的傳聞。昨日吳大維在金鐘太古廣場出現，卻與霆鋒劃清界線。
吳大維說：「我同佢（霆鋒）唔熟，連佢嘅電話號碼都冇，嗰日成班人喺錄影廠，我哋全程講英文，話追到阿菲就好啦，我就講咗句英文出嚟，呢句係我由細講到大嘅美式俚語，IBetYouaMillionBucks（我同你打賭一百萬），我講咗咁多年，咪有成幾百億！」
此外，謝賢（四哥）與狄波拉（拉姑）及其飛機師丈夫阿Kong，昨日齊往中環置地廣場的Gucci購物，對霆鋒近日的緋聞，四哥說：「佢冇做錯嘢，唔使介意人哋講乜，一生人要經過好多階段，呢個係霆鋒嘅其中一個啫。」而拉姑則說：「我唔講嘢啦，講乜都俾人話。」