阿董來自商界，總係覺得商界人士同自己啱Key啲，唔怪得佢頻頻任用阿松同田北辰等商家佬做公職。到底香港有幾多位年輕有為嘅商業奇才呢？有個神秘組織就將四十四歲以下嘅年輕總裁一網打盡。
呢個組織叫「青年總裁協會」（YoungPresidentOrganisation），五十年代源於美國，七六年喺香港成立分會，參加條件都幾苛刻，間公司營業額每年要至少超過六百萬美金，或市值超過一千萬美金，加入時唔可以大過四十四歲，一過五十就冇得留低。會員參加活動重要計分，每年唔合格者又係冇得留低。
咁難入，成為YPO一份子固然係身分象徵，但YPO嘅入會費夾埋都成三萬幾，但班年輕總裁一定畀得起，好似早期嘅資深會員有馮國經，九鐵新主席田北辰、立法會議員陳智思等，個個都係大粒佬，三萬幾蚊，濕濕碎啦。不過，因為YPO組織章程規定「不對外談論YPO事情」，所以大家從未聽過呢個神秘組織，好多未來領袖都應該會由呢度挑選出來。
E-mail：