大嶼山冠忠巴士嘅黃氏家族有幾傳奇？除咗創辦人黃冠忠四八年由一名抹車仔起家之外，原來另一位執行董事李演政都好另類，係跑馬地一間佛堂「錦華精舍」嘅主席，潛心信奉禪宗。
八方上個月在一個中國工筆畫展上撞見李演政，佢對畫家林睿智一幅《西方三聖》佛像畫愛不釋手。個畫家就好大方，見佢想買來供奉於自己的佛堂，一句「有緣」就送咗幅畫畀佢。李演政同八方講起，自己喺十幾歲最反叛嘅青春期時初次接觸禪宗，結果就此愛上。
記得舊年冠忠要司機變相減薪三成時，李演政又點睇呢？佢話啲司機多數同公司做咗幾十年，好似一家人咁，於是從舊年八月開始，佢每晚約十個司機傾談，見晒四百幾個司機，同大家解釋公司咁做係迫不得已，想大家共度時艱。如果個個老闆都可以學李演政咁，體貼吓啲員工，同啲員工傾吓偈，就當做心理輔導都冇壞！
（圖）冠忠董事李演政（左）身旁的《西方三聖》佛像畫，就是畫家林睿智（右）傑作。
E-mail：