經濟唔好多開倉，樣樣都話減至半價，真係唔買都想去睇吓。不過水貨舖玩清貨開倉就較少有，事關水貨舖入貨，永遠最快又最精，通常勁快已經掃清光。而專賣日本潮流貨的私物店，為求騰出地方迎新貨，由即日開始至4月7日搞開倉，所有名牌靚袋最低減至半價，想買到心水貨就真係要趁早排隊！
記者：梁珮瑜 攝影：伍慶泉
模特兒：Vanessa(RobottoTako)
今次開倉的袋款眾多，有斯文女生款、日本Cutie款、簡約返學袋及男生型背囊等。而牌子就以日牌為主，包括有O.Z.O.C.、A.I.P.、Jeancolonna、Y’saccs及JeanPaulGaultier等，總有一款合你心意。（Vivayou乳牛小手袋原價$250，現售$120。同牌子麖皮毛毛袋原價$760，現賣$380。）
名牌當然最吸引，精選幾個必入日本Hit牌，入舖記緊要搶定先。
有部分靚袋雖非名牌，但全部來自日本，有質素兼價錢夠抵，絕對入得過。
男生近年必入斜孭大袋，但大大個背囊始終係至愛，孭得舒服又方便，而最緊要係夠型仔嘛。
情侶買袋好多時亦可交換用，精選兩款男女啱用名牌袋，一個兩份用，慳錢之餘都好Sweet啫！
開倉地址：私物店(23148988)
尖沙嘴山林道46-48號運通商場1樓25舖
時間：4月2日~4月7日（下午1時~晚上10時）
同樣喺運通發現一間潮流舖，幾款靚袋同樣有得減，雖然八折唔算平好多，但款式唔錯屬心水貨，去開不妨睇睇唔好錯過。
售賣點：Univers21(23111298)
尖沙嘴山林道46-48號運通商場1樓21舖