日本女子組合MAX成員Mina快放產假，等待八月做媽媽。其餘三位成員皆嘗試作不同發展，就如上月初搶閘推出個人寫真集的Reina，銷情及反應皆不俗。
MAX大家姐、二十六歲的Nana，日前亦照辦煮碗，推出首本個人寫真集《24-7》，兼舉行fans握手會。
Nana心知自己年紀都已不輕，不能模仿Reina在寫真中的rave形象，所以她在《24-7》中自選多套高貴晚裝，走成熟路線。Nana說：「本寫真集叫《24-7》，就係想俾fans見到我喺一周七日、每日二十四小時成熟嘅形象。」
況且Nana不比Reina惜肉如金，在寫真中去得更盡更放。Nana在家鄉沖繩取景，穿上多款泳衣，擺出不少誘人姿勢。她說：「有唔少大膽嘅甫士，對我嚟講都係個幾大嘅挑戰，總之同喺MAX入面嘅我好唔同啦！」
可能Nana的寫真集比較「多嘢睇」，結果前日的握手會吸引到一千二百名fans捧場，比Reina多出數百位。但奇怪的是fans以女性為大多數，難道Nana是同性至愛？