律政司司長詩姐姐話要走話咗成年，點知最近又有消息話佢會留低幫多老董兩年㖭，咁真係唔嫁又嫁咯。
詩姐姐一直以來都去意甚決，點知遇上個慢郎中董建華，如果大家不善忘嘅話，在特區政府成立以嚟，邊個高官可以第一時間話退就退。
許淇安當年夠晒鐘要退休，同老董商量，點知老董死唔拍板，許第一連接班人都搵埋，始終走唔甩，最後要出到苦肉計，向傳媒放風鐵定於去年一月二日退下火線，咁先至成功讓位。
至於陳四萬，就自己都唔想走，冇法啦，結果衰收尾。老董連奎哥、敏儀姐都唔放過，全部都不可如期退下，要再坐一會。
唯一可準時走嘅，睇嚟只有星華哥一個，因為佢身體唔好，至於詩姐姐，已康復咗一段時間，加上佢為人菩薩心腸，又搵唔到接班人，被老董一勸再勸，真係分分鐘回心轉意。
當然有一說是詩姐姐黨性甚高，點會推呢？但係呢個冇憑冇據，雖然有理，但係攞唔出嚟講，就係咁嘞。
E-mail：