「我冇交二月同三月份屋租，噚日收到房屋署通知，限我喺四日內還清租金，否則即刻收番間屋唔畀我住。但我𠵱家連食飯都冇錢，點樣攞成一千八百幾蚊出嚟交租！」面容憔悴的陳敬勳歎謂。
三十六歲的阿勳，多年來從事室內油漆工人，是家中經濟支柱，需供養年過七旬體弱多病的母親。奈何近年市道持續欠佳，阿勳長期開工不足，以致經濟陷困，目前欠下兩個月租金，且三餐不繼，境況堪憐。
「呢兩年環境差，我已經乜嘢工都做。前排我去地盤幫手執泥頭，返咗兩個禮拜工，諗住可以賺到筆錢交租，點知個判頭突然失蹤，搞到我連返工車費都蝕埋！」
阿勳訴說，其母親近期已入住政府資助老人院，獲得適當照顧，惟日前醫生證實她患上肝癌，令一向孝順的阿勳心情更沉重。
有見阿勳經濟緊絀，面臨迫遷苦況，蘋果日報慈善基金即時撥款二千元，助他解燃眉之急。
捐款編號﹕C0513
暖流熱線
電話：29908688
傳真：23702192
電郵：
網址：