李珊珊和原子鏸昨日在佐敦出席「阿曼琪」時裝店開幕做剪綵嘉賓，二人除了有利是作酬金外，還得該店贊助衣服。
李珊珊表示亦有到香港水門網瀏覽有關張柏芝和謝霆鋒的新聞，珊珊說：「我覺得好似將啲狗仔隊外判咁，隨處都有DV，隨時會俾人影相，出街都好有壓力。」
原子鏸剛從內地拍戲回港，她說：「我雖然唔喺香港，但都知道男友（鄧健泓）隻碟出咗街，銷量都幾好，佢都有留咗隻新碟畀我，而我就準備咗份禮物送畀佢。」
對於胞姊原麗淇在新片《三更》中有性感演出，原子鏸說：「我怕醜，唔敢有性感演出，而且從來冇人搵過我拍性感戲。」原子鏸上月七日生日，她身在廣西拍戲，母親鄭佩佩親往探班，男友鄧健泓則送了自製的禮物。
採訪、攝影：卓寶花