我Apple姐雖然食飽無憂米，但係見𠵱家個市咁差，都成日勸啱啱出嚟搵工嘅世姪唔好揀擇咁多。但原來有啲經濟狀況麻麻嘅名人，就點都放唔開個包袱，死都唔肯出去搵嘢做。 獲委投資顧問 我講嗰個咪係TerriHolladay囉，佢同趙世曾離婚後，又話窮又話要申請法援，連趙世曾都開口講過，咁大個人點會話搵唔到嘢做。我Apple姐就八到，其實有幾間外資銀行，都有接觸過佢，叫佢做吓啲投資顧問，以佢嘅名氣，call客唔會太難，但係阿Terri都一一推卻，寧願搞埋佢啲冇米粥生意喎。