八方老友噚晚閒來喺屋企睇電視，睇到一個有關《獅子山下》的特備節目時，頗有感觸。
噚晚的節目訪問番以前製作《獅子山下》的監製和編導，其中名導演許鞍華同方育平都有出鏡。話說港台當年製作《獅子山下》的目的，係想宣傳港英政策，點知最終製作人員都冇以呢個為最大目標，反而事事由市民角度出發。
好似其中一輯講到港英政府不理市民反對，決心拆一條連接木屋區的天橋，即使居民上街抗議，前立法局都無動於衷。《獅子山下》於是訪問咗一個了解整件事的外籍員工，佢在節目中大鬧港英政府同前立法局，最後重俾人遞解出境。
八方老友睇完覺得，《獅子山下》對當時政府作出的控訴，勁過𠵱家嘅《頭條新聞》多多聲啦！
E-mail：