方力申（Alex）和佘詩曼昨日到康怡廣場，擔任「多啦A夢復活節開心大派對」的表演嘉賓，二人與現場的小朋友玩遊戲，場面十分熱鬧。
近日佘詩曼是非不絕，她感到非常無奈，對於被指常放生電，她說：「我覺得啲是非好無厘頭，我已經冇乜講嘢㗎啦，好似我同王傑只係喺開會時見過一次面，總之我哋知道冇嘢就已經OK。」佘詩曼更透露於年頭還神時，廟祝曾叮囑她凡事要小心，因為今年她將會有是非纏身。
此外，方力申指今日是媽咪的生日，他已買了兩張梅艷芳尾場演唱會門票作為禮物，Alex說：「我都好想同媽咪食餐飯，不過我由朝到晚都有嘢做，所以都唔知陪唔陪到佢。」
採訪、攝影：李珮洳