「眾人契媽」李麗娟就快離開民政事務總署，最終情歸何處𠵱家重未知，但係八方聽聞佢近來同老友記聚會時，就叫大家唔使咁快掛住佢，因為佢放完大假之後，重會繼續留在香港做嘢，事關董特首唔肯放佢離開香港喎。
契媽做多一個月民政事務總署署長之後，四月底就會放兩個月大假充充電，到佢返新崗位的時候剛好七月一日，啱啱係所有新問責制局長到位的時刻。咁契媽會調去邊度做呢？佢同班老友講話到𠵱家重未知，遲啲先算。不過，契媽曾經自薦過想調去日本接替張敏儀，但董特首就唔肯畀佢走，因為全港的區都係契媽最熟喎。如果係咁，契媽嘅新崗位會唔會都係同地區脈絡有關呢？
E-mail：