阿董伉儷返大陸遊上海，原來董太此行重有個「秘密任務」，就係率領一班特區名太到大上海參加慈善演唱會。據新華社報道，董太同立法會主席范太，以及由香港工商界實業夫人組成嘅「愛心雅集」太太合唱團，噚晚喺上海參加咗一個慈善演唱會，為上海嘅孤殘兒童籌款，重即場獻唱徐小鳳嘅名曲《今宵多珍重》。
另外，特區名太合唱團團長、香港各界婦女福利會副主席唐尤淑圻亦獻唱咗一首羅文嘅名曲《掌聲響起》，博得台下不少掌聲。呢個唐太係邊個？原來係知名實業家兼港區全國政協常委唐翔千嘅夫人，結果成晚籌咗二千二百八十幾萬元人民幣。
E-mail：