金巴利道「紅孩兒」，係水貨佬蛇王熱門地。巧遇功夫Ｌ，只見佢面口黑過鑊撈，原來剛喺『事嘟時』被人激親。話說佢睇中『事嘟時』件玩具「發財童子」，諗住搵老闆S留番隻，點知人哋請佢今個禮拜唔該準時排隊。
老闆S為公平唔Keep貨，冇錯喎！功夫Ｌ聽後眉頭緊皺：「生客唔留貨天公地道。但今個夏天未正式開季，我同個兄弟已幫襯佢大大話話三、四十件Tee，成萬銀生意，應該算係熟客啩？點知留隻七嚿水公仔都托手踭，即係以後冇偈傾喇！」旁人聽到還以為佢正在講數。
做門口生意最忌把口唔夠醒，其實有冇貨留畀客人是其次，最緊要令人好落台，拖字訣亦可勉強過關。若行內講門口招呼，以利時D同D嫂最醒，與熟客感情通常可維持一兩季以上，直至客人識飛日本搵正價貨便是感情終結時。今次老闆S同功夫Ｌ，季都未開始但感情已起變化，其實只係小誤會，就咁玩完實在叫人婉惜。
主持人：大食Jack
八卦熱報：