古天樂在電影《乾柴烈火》飾演體弱的雜誌總編，一直暗戀雜誌社老闆娘陳慧珊，兩人在戲中更有親吻鏡頭。不過，對古仔傾心的楊千，不惜每日用乾柴烈火煎中藥來打動古仔。
古天樂（古仔）、楊千嬅、苑瓊丹與陳慧珊主演、葉偉信執導的《乾柴烈火》，將於本月十九日上映，今次古仔與千嬅繼劇集《美味情緣》後再度合作，雖然兩人在戲中演一對情侶，但古仔與戲中另一女角陳慧珊卻有親吻戲。
《乾》片故事由一碗乾柴烈火煲出來的靚湯開始，陳慧珊在《乾》片飾演雜誌社老闆，楊千嬅當上該雜誌女記者後，對老總古仔一見傾心，但古仔卻暗戀老闆娘陳慧珊，兩人在戲中更情不自禁親吻起來。
可是，千嬅沒有放棄，知古仔體弱，每日在家煎中藥拿回公司給他喝，最後打動了古仔心弦。
昨日記者致電給古仔，他說：「我同陳慧珊拍嗰場親熱戲，其實都係點到即止，所以拍嗰陣唔會有尷尬。呢部係愛情喜劇，葉偉信同我已經係第二次合作，我覺得佢嘅導演技巧係一次比一次成熟，所以我都希望部戲上映嗰陣，可以有好票房。」
古仔又說：「拍完咗呢部戲後，呢個月我會參予《絕世好B》嘅拍攝工作，另外又會幫嘉禾拍一部馬楚成導演嘅愛情片。」