如果今年唔係2002，如果潮流唔玩家具，唔興買枱買櫈的話，大家可能唔知邊個係PhilippeStarck，乜係Alessi。但因為有佢哋，潮流界重又有新嘢衝擊，星期日約你去中環銅鑼灣睇櫈買梳化已是指定動作。春夏換季，由衫褲鞋襪家具都要轉一轉，Alessi上位重出埋手表，咁自然唔少得連手表都換埋，呢套全新系列Alessi就跟Fossil合作，相信更係不可缺少，如果你隻手重戴住G-Shock，重去買Swatch膠表，相信都係時候轉一轉。
記者：馮彥彰 攝影：陳偉強
專玩設計玩藝術的Alessi，其實原本生產金屬和不銹鋼材料的產品為主，自從年輕的Alberto上場後，大改公司方針，除大量用新設計師，更使用不同原料，所以大家會發現Alessi玩膠特別出色，今次新系列都係以此為主打，跟以往一樣以不同設計師作招徠：而系列名全部用數字排列，以此1000系列最抵買，吸引！
2000玩表帶
2000系列由StefanoPirovano所設計，由於佢老人家本身是手表設計師，所以對手表有一定要求，設計的手表中，每一針每一線都要有用才會加上，所以沒有多餘設計，呢套同樣玩簡單外表再加少許復古。
雖然Alessi有唔少好嘢，但惟獨今次的6000系列有少少令人失望，設計外表上可以話跟普通表分別不大，最大可取之處是用上尼龍扣作表身，加埋可換式的表帶及不銹鋼表殼而已，但同類設計已玩了好幾年，此系由瑞士的MaxHuber設計。
每次Alessi出品都會發現有鋼表跟埋，唔知係咪因為Alessi係以玩金屬同鋼出名呢，今次同樣係唯一的鋼表系列的5000，同款唔同色的Chrono，分黑同白，最大特色係以PieroLissoni為名，以簡約易睇設計行先。
(F)Fossil查詢電話：24162710
(A)Alessi：（28696377）
中環都爹利街11號104舖
可能你重未清醒，唔知原來潮流唔單止係音樂、衣衫打扮，其實連買家具、買燈都係一種潮流，Alessi乃意大利品牌，源自一間家族生意，現時的掌舵人AlbertoAlessi在1970年才大學畢業就以家族生意為職業（Alberto本身不是設計師），至於Alessi公司其實是一間專做家居產品公司，公司宗旨是要每件產品的設計都有創造性、藝術性和美感，以達到每個人夢想中的不同家居產品，所以Alessi生產不少古怪家具，而且為達公司宗旨，AlbertoAlessi公司跟不少名設計師合作，包括AlessandroMendini、AchilleCastiglioni、RichardSapper。當中最多人識相信是近年大熱的PhilippeStarck啦。