長實集團（001）賣樓有5大天王，其中以執行董事趙國雄的曝光率最高，「出招」亦最多，問及這「橋王」如何策劃賣樓策略，他說：「全部集體創作，我哋習慣逢星期一、三、五放工後，同班salemanager坐低，大概由6點半至8點半，兩個鐘頭時間，大家喺度吹水，諗idea出嚟，然後再refine，睇吓行唔行得通。」
去年本港樓市仍處低潮，地產商絞盡腦汁硬銷樓盤，「埋身肉搏」的場面亦有出現。面對行家「出招」，趙國雄說：「大家揸住個盤，知道自己賣緊乜嘢貨。我哋唔係面對對手，反而係面對市場。」他又稱，每次推盤都預先有全套策略，並且推廣手法必定是從正面方向諗，「我讀marketing，諗嘢會鑽牛角尖，但起碼係positive的，好似賣SKII，一定話用咗有瓜子面，唔會提雙下巴，marketing一定係positive，話俾佢（消費者）聽可以得到乜嘢。」