劉德華早前到美加巡迴演唱，在三藩市一站演出時，竟有歌迷如發現新大陸般，大叫「華仔沒有腋毛」，華仔在台上尷尬地轉身查看，然後說：「咁多毛你都睇唔到？」
劉德華早前到三藩市、多倫多及大西洋城等地舉行美加巡迴演唱會，當他在三藩市首站演出時，在台上勁歌熱舞後與觀眾閒聊中，突然聽見台下有歌迷大叫：「嘩，原來你冇腋毛㗎？」嚇得華仔瞪大眼面露尷尬表情，隨即鬼馬地轉身背對觀眾，舉起手查看一番，之後華仔鎮定地笑說：「嘩！俾你嚇死呀，點會冇呀？咁多毛你都睇唔到，你係咪有問題呀？」引得全場觀眾哄堂大笑。
另外，華仔貴為天王，平常出現都身光頸靚，但原來他平常愛穿平價衣物。華仔在三藩市便趁空檔去購物，適逢當地一間服裝店大減價，他便雀躍地大購物，選購了一大車平價衣物，由T恤、皮帶、牛仔褲到波鞋，找數不過一千港元，可謂滿載而歸。華仔說：「平時唔使出席隆重場合，着衫唔使咁講究，舒服咪得囉，係咪好嘢唔一定係睇價錢貴唔貴㗎。」
華仔購物時雖有不少人認得他，但他依然悠然自得，任望任睇，華仔謂其實最搞笑的是他坐飛機到三藩市，剛落機時被一班外籍人士認出的情況。
華仔說：「因為我同助手坐唔同機艙，我落機時喺通道等助手出嚟，無喇喇每個落機嘅外籍人都向我眼望望，有個重走嚟同我握手，跟住話：『goodmovie！』我都唔知乜事，咪笑住講thankyou囉。」後來華仔與助手談起此事，其助手告知他原來機艙正播映《愛君如夢》，可能乘客看過電影後，正好見到華仔，便一眼將他認出。