徐子淇、吳文忻、繆非臨、洪欣和鍾麗淇等，昨日在黃埔新天地時尚坊作時裝表演，分別穿上以卡通人物賤兔為題材的服飾。
吳文忻行天橋時手持廁所泵並翹高屁股，在台上做出挑逗的動作，似有教壞台下小朋友之嫌。吳文忻說：「我唔覺個動作挑逗，我只係模仿卡通人物嘅動作，好可愛啫。」對於穿上性感服飾行天橋，吳文忻說：「我打晒底，一定唔會真空上陣，我覺得咁樣好冇安全感。」
而到場後才知自己衣服是全場最性感的徐子淇說：「好彩我（胸部）托得起，而且我都着咗tubetop打底，平時去街一定唔可以咁着。」徐子淇表示六月會到韓國旅行，她說：「今次會去探個女朋友，我覺得韓國男仔好大男人，試過中三時有個韓國男仔追我，一齊出街要AA制，我覺得佢咁樣冇乜誠意。」
採訪：駱華齡
攝影：黃文成