電盈裁員裁到愁雲慘霧，八方最近重收到署名「一群小市民」嘅傳真，話為咗抗議小小超裁員，將唔會再打電盈嘅0060長途電話服務，亦唔再用電盈嘅互聯網服務。
市民用唔用某間公司嘅服務，當然亦都有自由。不過最無辜嘅就係，李嘉誠旗下嘅和記電訊，呢班「小市民」都話要杯葛，重話唔去「超人」擁有嘅百佳、屈臣士購物。雖然電盈都有啲茅，將自己裁員嘅原因，賴落政府開放電訊市場度，但大家都唔可以以其人之道，還治其人之身，將個仔做嘅，賴落老竇身上。講到尾，和記同百佳、屈臣士嘅員工同股東如果因此受到影響，都好無辜。
E-mail：