呢個復活節假，阿松同狗仔隊都好唔得閒，皆因財爺要想諗點同女友度一個浪漫嘅假期。而自從星期四放工開始，狗仔隊就已經喺政府總部等，睇吓阿松會唔會一放工就飛去會佳人，點知阿松去咗金管局開會。不過行家都好唔放心，日夜昅實阿松官邸，驚佢半夜走佬去機場，總之就要想盡辦法、上天下海同全港市民直擊梁伏戀。究竟阿松呢次出咩招𠱁女友呢？會唔會提早啲上京述職，以借機爭取時間同女友相聚呢？
不過睇嚟記者有排追，皆因過咗復活節，阿松四月二十五日又會去三藩市、紐約同華盛頓訪問，講中國入世，香港點面對內地嘅商業競爭。𠵱家重未知阿松會見邊啲美國政界人物，更加未知小伏女會唔會去三藩市探阿松。
E-mail：