郭富城（城城）最近為卡通片《爆旋陀螺》唱主題曲，昨日他為此片在荃灣愉景新城的《爆旋陀螺》復活節開心嘉年華中，擔任嘉賓，與現場fans一起玩陀螺。對於有傳聞指城城早前在美國洛杉磯登台，在當地私會緋聞女友藤原紀香，城城昨日否認說：「根本係寫嘅人自己作，又冇真憑實據，呢啲新聞笑吓咪算。」
與藤原紀香現在保持甚麼關係？城城說：「私人事真係唔想多講，有報道話我為咗搵紀香連綵排都唔做，係人都知我一向好尊重舞台，呢啲報道真係荒天下之大謬，憑空想像寫呢啲新聞嘅人，應該要睇醫生。」記者問城城拍拖是否不想如霆鋒般高調？他笑言：「呢啲嘢唔使問都知啦！我梗係唔會高調。」