佘詩曼（阿佘）、周英杰及唐文龍等，昨日出席九龍城廣場「復活愛心慈善大行動之名人競技反斗show」，阿佘穿上一件露腰小背心上陣，一名現場fans即時大叫道：「阿佘你好索呀！」
阿佘笑言自己的強項是玩呼拉圈，她說：「細個媽咪就買咗個呼拉圈畀我玩，所以我條腰先可以fit到22吋，𠵱家比較少玩，但依然keep得到。」
對於被指早前不肯與滕麗名合照一事，阿佘說：「大家都係同一間公司，經理人又點會拉開唔畀合照，我根本就冇同佢碰到面，我只係見到佢上台領獎，我都好想有機會同佢碰吓面。」
此外有指阿佘向王傑放電一事，對此她說：「我單方面澄清係冇用，你哋去問佢就最清楚，我覺得好無聊，我係好鍾意王傑啲歌，但我冇同佢講過。」
採訪、攝影：王崇穎