港大前學生會會長張韻琪前日喺港大同師弟妹討論大學生角色時，小辣椒本色依然未改，成個講座火花四濺，就連令張韻琪一鳴驚人嘅民調風波男主角──鍾庭耀都靜靜雞入場做座上客。不過，鍾博士只係坐埋一角，並冇發言。
有行家想同鍾博士傾兩句，但佢一直唔多願講嘢，相反，張韻琪就同政協劉迺強唇槍舌劍辯論。劉迺強對於喺互聯網搜索自己同張韻琪個名，張嘅搜索結果比自己多幾倍時，顯得酸溜溜，猛話張俾傳媒牽住走，而張韻琪就反駁話正正反映因為政治唔民主，先要借助傳媒力量。
識得以力打力，小辣椒嘅辯才始終係咁辣！
E-mail：