王菲及謝霆鋒曾是戴思聰的學生，且霆鋒更跟他的女兒戴辛蔚在多年前有過一段戀情，戴師母昨日在電話說起王鋒戀時說：「霆鋒重細，不過分手呢啲事喺呢個年代好平常。阿菲雖然兩次受感情挫折，不過我諗佢承受得起，我唔識得點安慰阿菲，只係想同佢講，我同戴老師都重好掛住佢。」問戴師母當日霆鋒有否傷了戴辛蔚的心，她說：「我認識嘅霆鋒係一個好重情嘅人，當年佢同我個女都只係小朋友傾得埋玩吓啫。」
張柏芝圈中第一個緋聞男友朱永棠，對於謝霆鋒堅稱與柏芝只是「兄妹情」的說法，朱永棠昨日說：「呢啲嘢好難講，世事冇絕對。」
對於有周刊指張柏芝曾邀陳小春到倫敦遊玩，身在台灣工作的陳小春，昨日透過助手Alan於電話回應此事，Alan說：「黐線，周刊指去倫敦嗰段時間，小春係喺香港，過幾日重飛去新加坡拍劇，根本無去倫敦呢回事。」小春更對「起雙飛」這個字眼一笑置之。至於關於霆鋒與柏芝拍拖一事，Alan說：「小春話唔關佢事嘅問題唔會回應。」