呢個復活節假，好多記者都冇假放，點解？因為要吼住Michelle'sfriend，睇吓佢會否北上會一會國寶，交代吓近日發生嘅事。
講起呢個稱呼，八方日前寫咗之後，有位讀者傳真相告，話當年甘迺迪夫婦訪法，積賈蓮風頭蓋過總統，成為傳媒焦點，在某個場合，甘迺迪自我介紹：我就係陪積賈蓮來訪嘅男人……阿松當日咁風騷，話多謝人家介紹佢係Antony、而非Michelle'sfriend；唔知佢係咪睇過甘迺迪呢段故事？回想當日，阿松的確好風騷。
八方聽聞，六月份之記協周年餐舞會，會請阿松做嘉賓，並會安排佢上台同電盈副主席張永霖高歌一曲，曲目選定係《恰似你的溫柔》！如果有人安歌，松哥可能送多首《每天愛你多一些》呢。
E-mail：