SriLanka
自從小學俾人公認為外號美孚小飛魚之後，已經好耐無落過水，更遑論潛水！十幾年之後，貪圖呢個超級平價嘅斯里蘭卡潛水Package，決定相約同行嘅朋友一遊，見佢哋喺機場已經納齊架生，左一支七呎魚竿，右一件十幾二十磅嘅潛水相機及器材篋等，已深知我又係時候重出江湖，好彩我都帶咗一部超級潛水儍瓜機，為這次飛魚復出做好準備！
記者：朱維達 部分攝影：陳智良 鳴謝：SunnSeaHolidays、斯里蘭卡航空
1 夠晒平
以前要你揀選最平嘅外地潛水地方，可能你會話係菲律賓，一般四日三夜Package約四千九百幾蚊，𠵱家恐怕要改觀喇！因為五日四夜嘅斯里蘭卡潛水Package先至不過四千蚊，勁抵！
2 水夠清
每年十一月至四月期間，這一帶的海底能見度是最清晰的（一般都有十五至四十米），而風速亦較低，最適宜進行潛水等水上活動（其後該處會開始吹季候風，水質會較混濁，一般潛水人士都會轉向東北城鎮如Trincomalee、Nilaweli一帶繼續玩浮潛）。
夜晚十一時半抵達科倫坡，喺機場辦理出境手續加上車程，入到酒店已是清晨五點（都唔知checkin抑或checkout），雖然心力交瘁，但都好期望明早嘅首潛之旅。
斯里蘭卡是一個四面環海的島國，被印度洋所包圍，若果好似我今勻斯國之旅，沿首都科倫坡南下，只要你坐在車廂的右邊，密麻麻的椰樹、殘舊的平房及無邊際的印度洋海岸便會在你的眼簾外不斷的抽過去，但別忘記，這只是斯國長達1,600公里海灣中的冰山一角！
雖然沿岸面向印度洋的酒店多的是，但我入住的全國唯一擁有Spa設備的EdenResort&Spa是最接近潛水的地方，而且兩個人住間雙人房每人亦不過六百蚊（喺香港買會較Walkin價平一大截！），淨係慳回交通嘅時間已經有賺！
當一切準備就緒之際，便大夥兒坐上一部小型觀光船去拿取潛水器材。今次我先喺香港買呢個DivingPackage，除包晒機票、酒店、每日早餐、機場接送之外，你還可以於五日四夜期間自行選擇五次船潛時間，費用當然亦包括氧氣樽、鉛帶、觀光船接送及潛水導遊等。你亦可以到當地酒店即時報名參加各項水上活動，不過潛水時間要配合當地安排，可能會與你已計劃的行程有出入，既然花費差不多，倒不如在香港買埋package，費事煩啦！
費用：$3,980（雙人同行價每人價錢，有效期至今年6月30日，復活節期間收取旺季附加費）
查詢：29261668（SunnSeaHolidays）
不過最遺憾的就是當日我拉傷了右腳，只可把相機交予攝影師阿良，好讓他直擊水底奇趣。
由於沒有考過潛水牌，所以都安排了玩浮潛，當日的潛水教練是法國人Fret，夠專業且有長年的潛水經驗，勿以為玩浮潛沒有深海潛水好玩，當你看到鮮藍色的海水，突然有過千條魚群擦身而過，就真的有衝動撇開氧氣罩大聲講個「嘩！」字。
聽聞當日水底能見度不是最好，不過曬出來的相片已相當吸引。若論潛水設施質素及配套，這裏不算得上是世界頂級，但若你厭倦關島、宿霧、布吉的海底世界，斯國會是另一個選擇。即使你對潛水有恐懼症，當你也擋不住斯里蘭卡的陽光海灘吸引力的時候，亦可選擇水上電單車、風帆、香蕉船、釣魚等水上活動。你得到的，肯定會是快感回憶，還有一身赤赤痛的皮膚！
SinbadWaterSportsCentre,Kalutara
營業時間：每日9:00am-6:00pm
收費：15分鐘水上電單車1,200Rs（約98港元）、1小時滑水300Rs（約25港元）
預訂網頁：
簽證： 持BNO、特區護照者免簽證，CI持有者須辦理。查詢電話：28760828（斯里蘭卡領事館）
機票： 可購買「五日四晚斯里蘭卡休閒遊」，二人同行每位$2,520，費用包括來回斯里蘭卡經濟客位機票、機場接送及住宿MountLaviniaHotel四晚及每日早餐，查詢：29261668（SunnSeaHolidays），網址：
住宿： EdenResort&Spa，雙人房租：150美元（約1,170港元）。地址：Kaluwamodara,Beruwala；訂房電話：（94）1-334461/2；網址：
旅遊諮詢： 斯里蘭卡旅遊局網址：