曾經分別和王菲及張柏芝傳過緋聞的黎明，昨日在廣州出席星空衛視開台慶典，記者問他可知道王菲和霆鋒分手，他說：「我唔知，我同阿菲都冇聯絡，大家各有各忙。」
問黎明知否柏芝和霆鋒拍拖，他則說：「唔知！人哋嘅感情事，自己唔好多事，𠵱家都係傳聞啫，每個人都有自己嘅感情生活，唔好做多餘舉動。」
對於有報道指他的fans向舒淇掟糞便一事，黎明回應說：「嗰啲人唔係我嘅fans，只係有人用呢個代號去做呢啲嘢。」
曾跟霆鋒有過一段戀情的戴辛蔚，昨日在電話中說：「若霆鋒真係搵到真愛而同另一個分開，作為朋友嘅一定會祝福佢。如果佢同柏芝真係拍拖，我覺得佢哋好襯，郎才女貌。」
至於柏芝的前男友陳曉東，其經理人羅嘉慧稱他不會就事件回應。
記者李珮洳、何國豪廣州直擊