近日城中熱話當然係財爺與伏小姐的戀情。而據《大公報》刊載，呢段千里情緣的開端，全靠財爺當年嗰部PalmIIIc裏的一個小遊戲《掃地雷》，輕易贏得美人歸。雖然伏小姐稍嫌《掃地雷》難玩咗啲，但其實PDA上重有大把「正」Game。今日就等我哋搵埋全港三大PDAUserGroup的專業代表，推介幾個好玩正Game畀財爺。咁以後伏小姐都唔使獨沽一味掃地雷啦！
記者：劉耀祥攝影：陳盛臣 Model：Andy、Avis(Imagine)
左圖螢幕中，就係伏小姐口中的Palm版《掃地雷》遊戲，玩法同中文Windows附送的同名遊戲大同小異。財爺正係靠呢個Game贏得美人歸，而佢當時用緊的電子手帳係PalmIIIc，雖然家陣已經換咗新型號，但都係用番Palm的m505。
掃地雷(PilotMines)最先起源於桌面電腦Windows上的一個小遊戲，只需從數字中推斷出附近所藏有的炸彈，順利揭開所有方格就謂之勝利，由於玩法簡單，廣受玩家歡迎，更發展出Palm及PocketPC版本。
下載網址：
售價：免費
女仔對五顏六色嘅遊戲特別喜愛，再加埋得意公仔就真係想放手都難。《BubblePuzzle》這個射氣球遊戲，起源泡泡龍，在街機時代已經相當受歡迎。全因其玩法簡單，只要將氣球聚埋一齊就得，唔使太用腦，反而深得女玩家喜愛。
下載網址：
售價：US$6(約HK$47)
通常智力遊戲都會叫女仔避之則吉，相反簡單易玩的射擊遊戲，就相當適合女仔玩。這個《Bang！Bang！》射擊遊戲玩法比較簡單，只要射中飛行物便得分，易玩之餘加上畫面靚靚，女仔見到一定玩到唔捨得放手。
下載網址：
售價：US$9.95(約HK$78)
《DiamondMine》雖然係智力遊戲，不過玩法就非常簡單，只要將3粒寶石連成直線或者橫線就可以。由於遊戲可不設限時，所以搭車搭船等人時都可以隨時暫停隨時繼續，比較容易爭取高分，可以增加不少情趣。而《DiamondMine》亦有Palm版本，但名稱就改為《Bejewled》，玩法與Diamond相同。
下載網址：
售價：US$14.95(約HK$117)