大狀余若薇噚日去香港總商會演講，八方以為佢一定會以香港的法治為題，誰不知在接近半小時的講詞中，七成時間用來講香港的教育制度，而法治、公務員和經濟等問題則全部輕輕帶過。做大狀，睇嚟唔代表唔識其他嘢。
余大狀何以對教育咁有興趣同研究？無他，因為佢三個寶貝女都讀緊書，細女讀小三、二女讀中學、大女在美國都就快升大學，做廿四孝媽咪，當然要多啲了解教育先得。至於佢自己，咪見佢講英文咁了得，以為佢一定係放洋留學，原來佢個英文老師係一個退休商人。余大狀覺得香港其實有好多人才，即使退休人士都依然係社會精英，佢哋大可考慮吓退休後出來教書，而政府都可以研究為退休人士搞啲培訓課程，等佢哋進修完之後可以教書。
E-mail：