現年三十二歲的王菲，大霆鋒十一年，查實外間早已不看好這段姊弟戀，臨牀身心行為學家李寶能昨日說：「喺心理上，女友年紀大過佢，即係人生經驗豐富過個男人，若經濟都強過佢，男人係唔會暢快，除非對方係小男人，否則男人潛意識係愛搵一個比佢弱小嘅女人嚟令佢有番男人感覺。所以忘年戀中雙方若協調得唔好，男性遇上誘惑就會好易有異心。」
採訪：盧雪琪
余小姐：我唔覺得霆鋒負咗王菲，佢哋都係玩玩吓嘅。
袁姓學生：霆鋒同柏芝好襯，王菲咁老！
李小姐：男女拍拖合則來不合則去，我唔睇好佢哋，都係玩玩吓。
趙先生：我睇好佢哋會長久，因為佢哋外型同年紀都好襯。