作為謝霆鋒的父母，狄波拉（拉姑）及謝賢對愛子默認與王菲分手一事反應各異。拉姑昨日語重心長地寄語霆鋒，最重要將感情事搞清楚，言語間不經意洩露了霆鋒曾陷入三角戀中。不過謝賢一聽到記者提問，即時發火說：「你可以擔保同你嗰件到尾咩？」
昨日謝霆鋒在電台節目中，交代已跟王菲分手，身為霆鋒母親的狄波拉（拉姑），昨日接受電話訪問時歎息道：「唉！阿仔只得二十一歲咋，就算大人去到五十幾歲，都一樣喺感情方面做錯，所以唔好咁快對佢蓋棺定論。」
拉姑續道：「我之前都有同佢（指霆鋒）講，叫佢點都好，分手嘅事最緊要搞清楚，佢當時重答：『我又冇同邊個一齊，點解要交代。我冇再戴隻戒指，佢哋（傳媒）應該明啩。』我同佢講，呢啲嘢一定要同人講清楚，免得三方都受傷害。」
不過拉姑話說至此時，可能發現自己洩了口風，暗示霆鋒曾陷三角戀，於是立即補充說：「三方也好、兩方、四方也好，最好係一件還一件。」
問拉姑霆鋒被指花弗，是否有其父謝賢之風，拉姑聽後即哈哈大笑道：「有呀有呀！不過佢『乃父』對感情事就搞得好清楚。」拉姑表示，她不認識王菲及張柏芝，故此不對她們作甚麼評論。
至於霆鋒父親謝賢，一接到記者電話問關於霆鋒的感情問題，竟即時發火，並說：「你真係多事，佢處理得好唔好關我乜嘢事，做乜問我！呢啲係人生必經階段，你可以擔保你同你嗰件可以到尾咩！你都黐線，多鬼餘。」說罷即掛線。
此外，柏芝母親昨日五時許與一名男子離家外出，她心情看來極好，問她有關柏芝與霆鋒的戀情時，她笑着說：「唔講，我去飲呀。」柏芝母親離家前，將其寶馬座駕泊於寓所大閘外，還被抄牌，但仍毋損其心情。
採訪、攝影：盧雪琪、仇志德