張國榮、周嘉玲和林嘉欣前晚到奧海城出席《異度空間》首映禮，周嘉玲真空上陣，搶盡風頭，哥哥則與助手Kenneth一同澄清緋聞，向唐唐大派定心丸。
張國榮、周嘉玲、林嘉欣和譚俊彥等前晚到奧海城出席《異度空間》首映禮，哥哥近日與助手Kenneth傳緋聞，有雜誌指二人經常出雙入對，哥哥對此說：「好呀，傳啦，唔使理㗎。」
報道還指Kenneth為二十六歲的富家子，哥哥便即席叫助手拿身分證出來看並說：「錯，我知佢幾歲，佢二十二歲呀，佢之前喺Esprit做sales，我去攞衫時識佢，我之前嘅助手走咗咪搵佢幫手囉。」
問哥哥會否請女助手以避緋聞？他說：「我唔會為咗咁而請女助手，其實呢幾日都有人跟我同唐生去食飯啦，我哋生活正常，點解要怕？」
Kenneth接受訪問時謂對緋聞覺得甚搞笑，他說：「我冇女友，哥哥對我好好，我唔會為呢件事唔幫佢，亦唔怕啲女仔誤會我。」
周嘉玲前晚穿着DonnaKaran薄紗裙襯tubetop連身裙出現，她更真空上陣，問周嘉玲可有覺得搶去林嘉欣風頭？她說：「唔怕，佢不嬲都咁靚，大家都係演員，佢唔會介意嘅。」
問。是否真空上陣？她笑說：「又問呢個問題？呢件衫係要咁着先靚，今日又咁適合，點解唔着？」林嘉欣則謂不介意被周嘉玲搶風頭，她說：「佢不嬲都咁性感，拍戲時重教識我好多嘢。」
另外，前晚電影公司安排奧海城六間百老匯戲院，舉行優先場首映，總共一千三百座位，電影公司卻多發三百張門票，想不到全部觀眾都到場，以致無法入場的數百觀眾一度鼓譟，後來電影公司安排觀眾換取稍後的正場門票，才平息事件。
採訪：甘比
攝影：陳偉權