八方剛寫過羅范椒芬同王錫基就電盈大裁員出現口徑不一的趣怪場面。昨日，八方有幸同資訊科技及廣播局局長尤曾家麗茶敍，自然要問吓佢有乜高見。尤太話政府立場係一致的，對於今次事件，佢個好拍檔王錫基已經發表咗意見，所以佢唔想再有任何言論刺激被裁員工。佢重呼籲呢八百五十八人要冷靜，而政府亦係責無旁貸。
對於電盈多番以受電訊市場開放所累為藉口，尤太話人人都有言論自由，每個行業都要面對競爭，賣雲吞麵同蛋撻都要，裁員亦唔係由一個因素引發，所以佢希望電盈能夠畀多啲資訊公眾，等公眾自己去識別。不過，尤太就話自己冇王總監咁好文采，所以冇打算每周發表文章喎。
（圖）尤太好醒目，不願再發表言論刺激電盈被裁員工。
E-mail：