謝霆鋒因張柏芝介入，昨日終默認和王菲分手，王菲繼被竇唯拋棄後，竟又遭霆鋒離棄。堪輿學家李丞責說，屬雞的王菲，從出生日期看出她的婚姻屬乙木，且王菲同霆鋒都是秋天出生的人，故在感情方面是開花不結果。
李丞責說：「有個相士話佢哋今年唔會散，我一早講過呢段情勢難長久。王菲今年有個紅鸞星動，即有婚姻喜慶事，若她可以把握，感情才可過難關，否則就會好易散。」
至於王菲是否命中注定被男人拋棄，李丞責說：「唔係，佢性格雖剛強，但萬一投入一段感情，性格就會被軟化，佢因為經常投入之後平衡唔到，所以至會咁，王菲今年底會有個年紀大啲同條件比霆鋒好啲男友。」
曾公開預言王鋒戀今年不會有問題的另一堪輿學家蘇民峰，昨日則說：「上年從佢哋八字睇係冇相沖喎，除非佢哋上年年尾已經分咗手。睇人只可以睇到當時兩個係咪付出真感情，至於有冇結果係睇唔到。」
採訪：盧雪琪