謝霆鋒雖然默認和王菲分手，但不知是否為了自己的形象，他不肯承認和張柏芝拍拖，昨日謝霆鋒出席在廣州軍區體育館舉辦的星空衞視開台慶典，接受記者訪問時，有內地fans在窗口大叫王菲，霆鋒亦回報以友善的笑容。
記者問霆鋒是否默認和王菲分手，他沉默數秒，然後說：「每個人都有私隱，戀情唔係單方面嘅，係雙方面嘅問題，重牽涉工作同公司嘅問題，我係唔會講出嚟嘅！」
記者指不講出來對三方都不公平，他說：「我講唔講都有揣測，講又如何？我只可以咁講，我從來冇呃過你哋，亦冇呃過任何人，我同阿菲亦冇共識，如果我將來拍拖，真係到嗰陣咪公開咯，暫時都冇乜好公開。我好清楚阿菲，佢冇不滿，佢亦唔會講呢啲嘢，我相信佢一個字都冇回應。」
記者再問謝霆鋒是否正和張柏芝拍拖，他說：「唔係！」而阿菲經理人陳家瑛昨日在電話中說：「人哋鍾意點講就點講，我哋一向好低調，火車都會停站啦，阿菲好快會到站，佢會照樣做嘢，寄情工作，我哋有好多嘢計劃緊，唔得閒聽咁多嘢。」
記者李珮洳、何國豪廣州直擊