復活節假期天氣沉悶，有乜好做？八方提議大家抽空去欣賞英國伊頓公學合唱團後日舉行嘅音樂會。有乜咁特別？伊頓公學咪就係萬千少女傾慕對象嘅英國威廉王子母校。合唱團會演繹多首名家作品，包括巴赫、布烈頓和泰雲拿等嘅一系列經典樂曲。
威廉王子已經畢咗業兩年，當然唔會嚟，而伊頓公學合唱團確係唔嘢少，有成五百幾年歷史，喺一四四○年由英國國王亨利六世創立，係全男班，成員介乎十三至十八歲，以圓潤嘹亮嘅歌聲飲譽國際。
合唱團今次嚟香港只會公演一場，後晚八點喺香港演藝學院舉行，門票喺快達票售票處買到，千祈咪錯過。
（圖）伊頓公學係威廉王子母校，佢哋嘅合唱團飲譽國際。
E-mail：