三十二歲的王菲和二十一歲的謝霆鋒戀情，維持兩年便結束，昨日謝霆鋒默認和王菲分手，表示除了不再戴和王菲的情侶戒指，連情侶鈪都沒有戴。謝霆鋒說：「你鍾意點諗就點諗，我唔想講到出口咯！」王菲昨日則木無表情，拒絕回應分手一事。 採訪、攝影：娛樂突發組
霆鋒和柏芝在曼谷的ZEN日本菜館撐枱腳的相片曝光後，謝霆鋒和王菲的兩年情正式告吹。
霆鋒和柏芝一直以兄妹相稱，但隨着近日事態的發展，霆鋒不認不認還須認，昨日他接受商台節目《茶煲裏的查篤撐》主持人查小欣的訪問，就以「我唔想講到出口」默認了和王菲分手，並承認除了不再戴和王菲的情侶戒指之外，連情侶鈪都沒有再戴。至於和柏芝在泰國食日本菜，霆鋒就以「食飯係人之常情、屙屎係天公地道」來回應。
霆鋒昨日接受查小欣電台節目電話訪問，被問及早前在《戀愛行星》的首映中，為何沒戴上與王菲的情侶戒指？他說：「其實係咪嗰晚先至唔見咗呢？我覺得呢啲嘢冇必要同人宣布，但係即係呢啲嘢要慢慢嚟，唔可以話永遠都係咁perfect（完美）嘅乜嘢囉！」
問霆鋒不戴情侶戒指是否另有意思，霆鋒即說：「你咁講即係隻鈪都係㖭，我隻鈪都冇戴。我可以喺呢度發誓謝霆鋒從來都冇試過一腳踏兩船，我鍾意一個人就一個人，我鍾意另一個人就另一個人，但係我唔係話緊我鍾意另一個人，只不過我冇戴戒指，就係咁多，你鍾意點諗就點諗，我唔想講到出口囉，大家做一個公平少少嘅猜測啦！
「我都唔想好多朋友黐埋謝霆鋒會覺得好辛苦，例如之前我可以開一個咁隆重嘅記者招待會話我同Sammi（鄭秀文）冇嘢，因為會傷害到好多朋友，我唔想一對好似兄妹嘅感情（他與柏芝）搞到係唔舒服，我覺得我唔會放棄四年嘅關係與柏芝，而只係為咗一啲周刊亂咁寫！」
霆鋒是否與柏芝一起到泰國的日本菜館食飯？他說：「的而且確係，食飯係人之常情，屙屎都係天公地道啫，一班朋友食飯無罪啫，就算一班朋友打通三間房都冇罪啫！」
有報道指霆鋒在其法拉利撞毀前，他其實與柏芝在銅鑼灣唱卡拉OK及飲酒，他即說：「識我嘅人都知我唔飲酒！」
霆鋒默認和王菲分手後，昨日一大班記者在王菲寓所大埔寶松苑等候，下午四時左右，王菲乘坐保母車離開，約四時半到達柴灣工業城，據知是往錄音。
王菲在助手的陪同下落車，記者追問王菲可是和霆鋒分了手，她木無表情，對記者的提問充耳不聞，記者細看之下，王菲的耳朵上戴了耳筒，應該正在聽歌，似有意迴避記者問題。