兩文三語皆通嘅科大校長朱經武，同香港學生剛剛相反，最差嘅竟然係廣東話。話說佢昨日同記者傾高等教育檢討時，講開其他大學有啲研究項目做得唔錯，佢就以自己為例話，如果一個人做研究，係唔成大氣候，要凝聚到一大班做同類研究嘅人至得。
佢重話：「如果唔係，就一個人犯賤……」吓！朱校長咁in，連「犯賤」都識？唔通佢係聽陳小春首歌學嘅？大抵佢察覺大家神色有異，重複講咗幾次，又再講普通話。
哦！原來呢位謙和、得體嘅朱教授係講緊「奮戰」！
（圖）朱校長可能未習慣廣東話發音，惹來「犯賤」疑雲。
E-mail：