金城武與四十一歲黑木瞳共譜戀歌的新日劇《黃金保齡》，昨日在日本電視台舉行記者會，出席的還有配角松本莉緒及榎本加奈子。雖然劇中二人做一對歡喜冤家，但昨日黑木就搶先張揚，不愛靚仔，絕對不會與金城武過電。
黑木與金城武在拍《黃》劇前並不認識，黑木出名是藝能界美人，金城武亦表示有同感：「佢真係好有魅力。」但轉頭金城武又無厘頭地說：「但係真人好似細粒咗啲！」
金城武一番話不但令全場記者大笑，更令第一次被人話細粒的黑木十分尷尬。
其後黑木被問到對金城武有何感覺，黑木即先禮後兵，說：「我第一次見金城武就不禁驚歎：『呢個世界真係有咁有魅力嘅男人！』佢真係好靚仔！可惜，我從來唔鍾意靚仔，所以一定唔會俾佢電到！」
《金》劇由名編劇野島伸司寫劇本，金城武表示接到劇本即十分喜歡。他說：「我睇嗰時好似睇漫畫咁，引到我即刻請野島寫落去。入面講打保齡，我中學開始打保齡球，但𠵱家生疏咗，平均得一百八十分以下。」
其實保齡在日本算懷舊活動，黑木亦謂自己一竅不通，她說：「套劇入面你見我打得咁勁，全部係搵職業人士做我替身咋！」
特約記者森林檎東京直擊