徐濠縈第二度搞的名人明星二手衫生意，將於今天起一連四天假銅鑼灣京士柏道家居廣場舉行，今次她與名店D-Mop合作。昨日徐濠縈作最後準備，忙得不可開交。
徐濠縈說：「今次除咗啲幕前藝人提供二手衫外，好多時裝界嘅朋友都好支持，拎出好多衫出嚟賣，淨係王菲同鄭秀文嘅舊衫，加埋就已經有成一千件咁多。根據去年嘅經驗，Sammi（鄭秀文）嘅衫最受歡迎，因為佢嘅衫唔會太誇張，身形又適中，去貨好快，而王菲嘅二手衫就吸引到一班鍾意前衞打扮嘅人嚟幫襯。」
在眾多二手衫中，最有趣亦標價最低的，莫如一件由謝霆鋒擁有的佐丹奴T-shirt，只標價十元，徐濠縈還打趣說：「真係好抵買㗎，重有霆鋒陣汗味喺度㗎！」