電盈裁員新聞已成大眾話題，但至今未見小小超行出嚟講過嘢。八方噚日出席東亞銀行股東周年大會，見到身兼電訊盈科非執行董事的東亞銀行主席李國寶，問佢老人家對電盈裁員的看法。佢同電盈主席小小超李澤楷有密切聯絡，當然係話每間公司都唔想裁員，但「有時逼到埋嚟冇辦法」。佢重話「李澤楷都好傷心」，所以小小超本人亦自掏腰包成立基金協助失業員工。
一向坦率的李國寶又不忙補充話，小小超可能已不在港，噚日未有出現股東大會﹙李澤楷為東亞非執行董事﹚，「或者怕咗見你哋﹙記者﹚」。八方當然明白冇人想裁員，但覺得既然一定要做，最好行出嚟講清楚，逃避始終唔係解決辦法。
E-mail：