年前曾經債務纏身的李萬祺，昨日再被公關公司舊夥伴徐燕屏入稟高等法院申請他破產。
李萬祺昨日出席完保時捷車展後，便往上海打點Noni果汁活動。他在上海透過電話說：「入稟要我還錢嘅，係我舊公關公司合夥人徐燕屏，佢當年入股，我攞咗佢一百八十萬當入股費，後來佢退咗股，我已經逐啲將呢筆錢還畀佢，至今已還咗七十萬，但係佢話要移民加拿大，想我一次過還畀佢，但我真係能力有限，我一直已經好積極咁獨力承擔債務。」
李萬祺續說：「我已經同佢講會積極諗辦法，例如向銀行貸款，我同佢講，如果佢行呢一步，件事曝咗光，銀行借貸重難，但佢真係少少時間都唔肯畀我，我唔係一個選擇逃避嘅人，如果我幾年前申請破產，更加無債一身輕啦。」
案件編號：HCB5696/2002